Viti i ri shkollor do të fillojë në shtator dhe nuk do të ketë mësim online. Ky lajm u bë i ditur sot nga ministrja e Arsimit Besa Shahini e cila zbuloi vendimin e qeverisë që ka përjashtuar mësimin online.
Me anë të një komunikimi virtual në Facebook me ministren e Shëndetësisë Ogerta Manastirliu, Shahini tha se kanë skenarë të ndryshëm për mënyrën se si do të funksionojë mësimi.
Sipas ministres Shahini momentalisht ka shkolla ku mësimi mund të zhvillohet normalisht, pasi kanë pak nxënës, por në të njëjtën kohë ka edhe shkolla me numër të madh nxënësish, të cilët duhet të ndahen me turne.
Ministrja tha se bashkitë do të duhet të fillojnë me pastrimin e shkollave, pasi deri më tani janë 87% e nxënësve duan të kthehen në shkolla.
“Skenarët janë të ndryshëm në varësi të numrit të nxënësve. Ka shkolla që mund të vazhdojnë mësimin normalisht se kanë pak nxënës. Ka shkolla që kanë numër të madh nxënësish që duhet të organizohen në një formë tjetër. Duke i ndarë ose në më shumë turne ose duke i çuar disa nxënës te shkollat më të afërta. Ne kemi bërë një pilotim. Mund të ruajmë shëndetin duke i hapur shkollat me shumë sukses. Kemi parë edhe modelet e vendeve të huaja. Bashkitë do të duhet të fillojnë pastrimin shkollave”, u shpreh ministrja.
https://www.facebook.com/OgertaManastirliu/videos/310346790203385/
