KURBIN– Ditën e sotme Policia e Shtetit, me anë të një statusi në rrjetet sociale, bëri me dije se nata e ndërrimit të viteve ka kaluar pa incidente të rënda.
Mirëpo, nuk rezulton totalisht kështu.
Në kishën ‘I Shëlbuemi’, në Zhejë të Kurbinit, ka rënë një zjarr.
Fakët kanë nisur rreth orës 03:45 të mëngjesit dhe fillimisht u konstatuan nga roja.
Shkak për zjarrin kanë qënë fishekzjarrët dhe kapsollat, që kanë përdorur qytetarët e që kanë përfunduar brenda kishës.
Nuk raportohet për dëme të mëdha, por vetëm dëmtime të rikuperueshme të çatisë.
Zjarrfiksit e Kurbinit kanë arritur të vënë nën kontroll flakët.
Ndonëse policia ka ndaluar rreptësisht shitjen e mjeteve piroteknike, ato vijojnë të shiten dhe për më tepër të shkaktojnë incidente.
Kujtojmë që mbrëmë janë plagosur lehtë një 60 vjeçar dhe një 9 vjeçar dhe shkak kanë qenë kapsollat.
