Serbia mund të trumbetojë me të madhe ndryshimin e kufijve të Kosovës, por kjo, sidomos për Berlinin, është e papranueshme.
Ka qenë vet kancelarja Merkel që e ka shprehur këtë mendim për presidentin serb, Aleksandër Vuçiç gjatë vizitës së saj në Davos të Zvicrës.
Burime të sigurta të gazetës “Koha Ditore” thonë se përgjatë Forumit Botëror Ekonomik të Davosit, Merkel ka shfrytëzuar mes të tjerash rastin për t’i qartësuar presidentit serb se pozicioni gjerman rreth dialogut Kosovë-Serbi dhe marrëveshjes së paralajmëruar përfundimtare nuk ka ndryshuar.
Një burim tjetër i kësaj gazete ka thënë se gjatë takimit kancelaria gjermane i ka kujtuar Vuçiçit pozicionin e Berlinit për sa i përket ndryshimit të kufijve të Kosovës, për të cilën thotë se është i papranueshëm.
“ Korrigjimi i kufijve apo këmbimi i territoreve është i papranueshëm për Qeverinë gjermane”, ka thënë burimi.
