Pas arrestimit të kardiologut të QSUT, Edvin Priftit, një reagim i fortë ka ardhur dhe nga kolegu i tij. Me anë të një reagimi në rrjetet sociale, shefi i imazherisë në urgjencën e QSUT, Maksim Basho e quan të padrejtë vendimin e Gjykatës.
Sipas tij puna e bluzave të bardha në Shqipëri nuk është vlerësuar sa duhet. Ai e krahasoi kolegun e tij Priftin me një revolucionar, ku meritat e të cilit duhet të shkruheshin në pllakë ari
“Revolucionin që nuk e kanë bërë as burrat e shtetit , e ka bërë Edvin Prifti. Që do të thotë: ASNJË SHQIPTAR NUK KA SHKUAR MË JASHTË SHTETIT PËR SA KOHË ZEMRA E TYRE ISHTE NË BESIM TË DUARVE TË TIJ TË ARTA. Ai ju ka kursyer shumë popull i dashur. Ajo cfarë kurrë nuk ka kursyer është koha e tij për të dhuruar jetë të dytë.”, shkruan Basho në postim.
Kujtojmë se në përgjimet e SPAK që po kryeheshin ndaj gjyqtares Enkelejda Hoxha, në skenë doli dhe emri i mjekut Edvin prifti. Sipas këtyre provave , mjeku mori një shumë parash nga sekretarja e gjyaktës së Krujës, Manuela Mallaçuki, që ti kryente një ndërhyrje jashtë rradhe.
Pas gjurmimit, policia i gjeti në shtëpi dhe në zyrë një shumë të madhe parash, në vlerën e 250 mijë eurove dhe 16 milionë lekë të vjetra, të cilat u sekuestyruan.
Postimi i plotë:
Sa më pak dinë, aq më shumë dyshojnë ! Ua servirën lajmin dhe cfarë të shikosh ?! Profesionistët e facebook-ut , provuan të “shëronin” edhe një herë zemrat e tyre të vogla duke bërë atë që dinë më mirë, të rrisin sedrën dhe krenarinë e tyre se kush do e japi “goditjen”më të fortë kësaj radhe . Ahh sa pak dinë miku im …ose më saktë nuk dinë asgjë. Nuk e dinë që Dr. Edvin Prifti , është shefi i fundit që largohet nga QSUT . Është i fundit që kyç zyrën në pavionin e kardiokirurgjisë për të vazhduar operacionet e tij pranë spitaleve private tashmë. Sa herë të ftonim per kafe, përgjigjjen e dinim“ kam operacione më presin te privati “ , por prap insistonim, sepse edhe ne kolegët e tu edhe profesorët e tu , 1 minutë më shumë në shoqërinë tënde , është një dije e re për ne . Ajo cfarë më së miri e etiketon Dr. Edvinin , është fjala REVOLUCIONAR . Meritat e Edvin Priftit në specialitetin e tij , meritojnë të shkruhen mbi pllaka ari . Ju nuk e dini apo jo ? Doktori hajdut, po po doktori që u dengledis me këtë epitet ËSHTË I PARI NË HISTORINË E KARDIOKIRURGJISË, I CILI ME BUXHETIN E VETËM TË OFRUAR NGA SHTETI, AI PO ME KËTË BUXHET KA DYFISHUAR MADJE DHE TREFISHUAR NDËRHYRJET KARDIOKIRURGJIKALE. Kjo në dobinë e shtetit dhe të pacientëve të tij. Revolucionin që nuk e kanë bërë as burrat e shtetit , e ka bërë Edvin Prifti. Që do të thotë: ASNJË SHQIPTAR NUK KA SHKUAR MË JASHTË SHTETIT PËR SA KOHË ZEMRA E TYRE ISHTE NË BESIM TË DUARVE TË TIJ TË ARTA. Ai ju ka kursyer shumë popull i dashur. Ajo cfarë kurrë nuk ka kursyer është koha e tij për të dhuruar jetë të dytë.
Por ky popull që të duartrokiste deri dje për arritjet e tua profesionale dhe guximin e palëkundur që shfaqe së fundmi,thjesht sa paska shkundur dy pëllëmbët me njëra tjetrën. Kjo ështe hipokrizia nga e cila ne bluzat e bardha fatkeqësisht nuk jemi vlerësuar ashtu sic e mendonim dikur, kokëulur mbi faqet dhe rreshtat pa mbarim të cilave u jepnim fund me shpresën se një ditë do shpërbleheshim për misionin që kishim zgjedhur. Por sic duket , në një vend ku lopa, delja dhe gomari trajtohen më me rëndësi sesa shëndeti vetjak, zor se mund të përmbushet. Por si mund të kënaqet egoja juaj nga një lajm i atill ? E si mund të jetë dikush keqadashës ndaj një mjeku? Si mund të kërkoni pranga për një mjek? Si mund të trajtohet mjeku më i aftë si kriminel i xhepave tuaja? A ka ndokush prej jush një përgjigje të moralshme për këtë që po ndodh?
Po të drejtohem ty o qytetar: “Mjeku ka detyrë ti shërbej deri në fund popullit të tij, gjithmonë në vijën e parë. Mjeku ka detyrë të jetë human dhe të mohoj edhe veten e familjen e tij për të shpëtuar jetë. POR MJEKU NUK ËSHTË SHËRBËTORI I ASKUJT NJERI I NDERUAR ! “
Unë besoj fort në drejtësi dhe në cdo protokoll të organeve përkatëse, të cilat me seriozitet shpresoj të marrin vendimin e duhur përsa i përket kolegut tonë unik.
Por historia ka treguar që REVOLUCIONARËT GJITHMONË KANË TRIUMFUAR !
Me respekt,
Bluzat e bardha!!!
