Presidenti Ilir Meta ka raguar me tone të ashpra në konferencëne sotme me gazetarët. Ai fajësoi kryeministrin Edi Rama dhe partinë e tij për prishjen e konsensusit për përballimin e pandemisë. Për kreun e Partisë Demokratike, Lulzim Bashën, Meta tha se veprimet e tij ishin bashkëpunuese.
“Unë e thirra vjet mbledhjen e Këshillit të Sigurisë Kombëtare. Bëmë disa mbledhje ku përfshimë edhe zotin Basha si përfaqësuese i opozitës së bashkuar, i cili për hir të së vertetes ka pasur qëndrime koherente dhe konstruktive për çështjen e pandemisë. Në përgjithësi opozita ka qenë bashkëpunuese. Ju e dini kush e hodhi në herë konsensusin për përballimin e pandemisë. E hodhi tritoli në mes të natës tek Teatri Kombëtar. Tregoi që nuk është që shqetësimi i tyre pandemia, por babëzia”, u shpreh Presidenti Ilir Meta.
Më tej Presidenti iu përgjigj ashpër dhe kreut të Grupit parlamentar të Ps, Taulant Ballës, pas akuzave që ky i fundit i bëri.Sipas Ballës,m Meta takohet në Vlorë me gjyqtarë e prokurorë të përjashtuar nga Vetingu.
Në përgjigje, Meta tha se Ballën e nxnjerrin për të sharë e provokuar, por më 26 prill do të bëhet një qytetar që do të rrespektojë Kushtetutën dhe institucionet.
“Taulantin e nxjerrin për të sharë e provokuar, atë detyrë ka. Unë e di që më 26 prill do të bëhet një qytetar që do të respektojë Kushtetutën dhe institucionet. Deri atëherë edhe ai të jetë i kujdesshëm. I vetmi personazh që ka probleme me Kushtetutën është kryeoligarku, për të tjerë nuk di. Presidenti iu bën thirrje gjithë qytetarëve shqiptarë, të shkojnë të votojnë. Nëse këto që them unë nuk jam të vërteta, ata e dinë shumë mirë si të votojnë. Gjithë qëllimi është për të instaluar një tirani.”, u shpreh Meta.
