Kryeministrja e Italisë, Giorgia Meloni, ka kërkuar nga Gjykata Evropiane e Drejtësisë (GJED) të hedhë poshtë kundërshtimet ndaj planit të qeverisë italiane për dërgimin e emigrantëve në Shqipëri.
Kjo kërkesë vjen pas vendimeve të gjykatave italiane që bllokuan transferimin e emigrantëve në qendrat e paraburgimit të drejtuara nga autoritetet italiane në Shqipëri, duke argumentuar se ishte kundër ligjit të BE-së.
Meloni ka theksuar se një vendim i GJED-së që do të konfirmonte këto masa do të rrezikonte të dëmtonte politikat e riatdhesimit të të gjitha shteteve anëtare të BE-së, sidomos deri në vitin 2026, kur rregullat e reja të azilit do të zbatohen plotësisht.
Sipas planit italian, emigrantët nga një listë vendesh të konsideruara “të sigurta” do të riatdhesoheshin shpejt nëse kërkesat e tyre për azil refuzoheshin.
Gjyqtarët italianë kanë ngrejë dyshime në lidhje me këtë marrëveshje, duke cituar një vendim të GJED-së që argumentonte se një vend nuk mund të konsiderohej “i sigurt” nëse ndonjë pjesë e tij ishte e rrezikshme. Sidoqoftë, një vendim përfundimtar nga GJED nuk pritet të marrë formë së shpejti, ndërsa Italia ka pezulluar dërgimin e emigrantëve në Shqipëri për momentin.
Meloni është e bindur se plani i saj do të funksionojë dhe ka hedhur poshtë pretendimet e opozitës për shpenzime të kotë.
