Ish-deputetja e Lëvizjes Socialiste për Integrim, Kejdi Mehmetaj ka folur ditën e sotme për planet e partisë dhe zgjedhjet e 25 prillit. Mehmetaj ishte e ftuar ditën e sotme në emisionin “Breaking” ku ndër të tjera ka thënën se brenda LSI-së do të ketë një analizë për të rigjeneruar strukturat dhe për të kuptuar se ku gabuan në këto zgjedhje. Gjithashtu ajo ka thënë që Presidenti Meta duhet të shkoj në LSI, pasi ti mbaroj mandati.
“Në LSI do të ketë një analizë për të rigjeneruar strukturat ku gabuam, në këtë moment po ndjekim procesin në kolegjin zgjedhor. Meta duhet të vij në LSI pasi të mbaroj mandatin e presidentit. “, ka thënë Kejdi Mehmetaj.
Ajo ka shtuar më tej se vendimi i KAS ishte një vendim i pritshëm, Mehmetaj ka theksuar se në LSI puna nuk është e drejtuar vetëm nga kryetari dhe se secili prej tyre duhet të mbajë përgjegjësi për gabimet e veta.
“Ishte një vendim i pritshëm KAS ka bërë sikur provat nuk ekzistojnë. Në LSI do të ketë
një analizë për të rigjeneruar strukturat ku gabuam, në këtë moment po ndjekim procesin në kolegjin zgjedhor. Te ne puna nuk është e ndërtuar drejt kryetarit të partisë secili prej nesh duhet të diskutoj gabimet më vete.
E ardhmja e LSI do të jetë e mire, Meta duhet të vij në LSI, pasi të mbaroj mandatin pasi ka qenë ai që i ka dhënë një fitore historike me 19 mandate. Vendimi i lënies së mandateve na bëri të kemi, këtë rezultat dhe këto ishin pasojat e këtij gabimi. Mandatet e Fierit dhe Tiranës janë të zonja Kryemadhit dhe Lsi kjo është më e rëndësishme” tha Mehmetaj.
