Brenda 48 orëve, Guardia di Finanza ka sekuestruar 12.5 kg lëndë narkotike, ndërsa ka arrestuar edhe 3 shqiptarë të cilët kishin rolin e korrierit.
Të dyja operacionet policore janë zhvilluar në zonën e Venetos. Në këtë zonë, organizatat nigeriane dhe shqipare bëjnë “namin” në shitjen e lëndëve narkotike.
Autoritetet italiane janë shprehur për mediat se organizatat shqiptare janë ndër më të rrezikshmet në trafikun ndërkombëtar, ndaj duhet të shtohen edhe masat dhe vëmendja ndaj tyre.
Organizatat shqiptare bashkëpunojnë ngushtë me ato në Belgjikë, Gjermani, Spanjë, Britani të Madhë dhe Austri. Mesa duket në këto shtete ka edhe më shumë shqiptarë.
Kujtojmë këtu se shumë shqiptarë janë arrestuar e shumë të tjerë janë ekzekutuar për pazare të prishura droge. Për disa nga viktimat, vrasësit e tyre ende nuk janë gjetur, pasi kanë qenë vrasje të mirëorganizuara nga banda të fuqishme kriminale.
