Një person është gjetur i vrarë me plumb në kokë mëngjesin e sotëm në Lushnje në lokalin e tij.
Ngjarja është regjistruar në lagjen “Kadri Gjystri”.
Sipas raportimeve, mësohet se viktima është Enver Boriçi.
Ky i fundit është vëllai i Arben Boriçit, krahut të djathtë të Aldo Bares.
Viktima është gjetur i pajetë në karrigen e lokalit nga klientët.
Aktualisht, vëllai i pronarit të lokalit, është duke vuajtur dënimin në burg.
Policia nuk ka rënë ende në gjurmët e autorëve, ndërsa është duke punuar për zbardhjen e rrethanave të ngjarjes.
Nuk dihet nëse lokali ka pasur kamera sigurie, të cilat do të hidhnin dritë mbi ngjarjen e rëndë.
