Sikundër është deklaruar shpesh herë deri tani nga ekspertë të ndryshëm në mbarë botën, pandemia do ndryshojë shumë gjëra në jetën tonë dhe tashmë duhet të mësohemi me një mënyrë të re jetese.
Një ndër rregullat me të përsëritura deri tani është padyshim mbajtja e masakave dhe dorezave në vende publike, si edhe larja e shpeshtë e duarve.
Së fundmi, gazetari Artan Hoxha ka ironizuar këto masa, që ashtu si në çdo vend të botës, duhet të zbatohen edhe në Shqipër, duke i paralelizuar me veprimtarinë kriminale.
Gazetari ka publikuar disa foto në Facebook, ku duken disa persona të maskuar dhe të armatosur, që i shoqëron me mbishkrimin: Zbatoni këshillat e kryeministrit dhe të Këshillit Teknik të Ekspertëve.
Më tej, ai ironizon duke u shprehur se ka 5 vite që i ka parë këto foto në arkiva dhe se ‘këta çunat’ i paskan ditur me kohë këshillat anti-Covid-19.
Në fjalët e gazetarit shihet paralelizmi që ai i bën situatës aktuale në të cilën ndodhemi dhe botës së krimit, që nuk e ndalon as pandemia për të ushtruar aktivitetin e saj.
Kujtojmë se pas lirmit të masave në vendin tone kanë ndodhur një sërë çështjesh kriminale, duke vënë në pikëpyetje çështjen e rendit dhe qetësisë në Shqipëri.
“Duke rremuar ne arkive. Zbatoni rreptesisht keshillat e Kryeministrit dhe Keshillit Teknik te Eksperteve anti-covid19!!! Mbani maska mbrojtese ne fytyre gjate levizjes ne qytet. Lani vazhdimisht duart me sapun, per me shume se 20 sekonda. Perdorni dizifektante per duart, pas cdo kontakti fizik. Pasi ktheheni ne shtepi, zhvishni teshat dhe kepucet, lahini mire, pasi virusi vendoset ne siperfaqe te tyre. Respektoni distancimin fizik.. Veproni me moton, “FRIKE JO, KUJDES PO”…Ore, po une kam nja 5 vite, qe i kam ne arkive keto fotot. Keta “cunat”, i paskan ditur me kohe, keshillat anti-covid19.. Paskan mbajtur maska ne fytyre. I lanin duart mire e mire, per me shume se 1 minute, pas perdorimit te armeve, madje me lende dizifektuese te posacme, per te fshire gjurmet e barutit. Menjehere pas atentatit, i zhvishnin teshat dhe kepucet, i digjnin ose i lanin per te fshire mbetjet e barutit, apo gjurmet e gjakut. Madje vepronin dhe me moton, “FRIKE JO, KUJDES PO”“, shkruan Hoxha.
