Kryeministri i vendit, Edi Rama do të zhvillojë sot një vizitë pune në Turqi, ku do të mikpritet nga Presidenti i Republikës së Turqisë, Recep Tayyip Erdogan.
Mësohet se Rama do të takohet fillimisht Mustafa Kemal Atatürkut, lideri i Luftës Turke për Pavarësi dhe themeluesi e Presidenti i parë i Republikës së Turqisë.
Pas ceremonisë së veçantë të mikpritjes që do të mbahet në Presidencën e Republikës së Turqisë, Kryeministri Rama dhe Presidenti turk Erdogan do të zhvillojnë një takim ku do të flasin lidhur me forcimin e marrëdhënieve mes dy vendeve.
Në kuadër të forcimit të mëtejshëm të bashkëpunimit mes Turqisë dhe Shqipërisë do të nënshkruhen disa marrëveshje dhe memorandume mirëkuptimi dypalëshe në fushën e mjedisit, mbrojtjes, të medias dhe komunikimit, etj.
Të dy zyrtarët e lartë janë të shoqëruar nga ministra të kabinetiteve qeveritare.
Së bashku me Ramën pjesë e delegacionit qeveritar janë Ministrja e Infrastrukturës dhe Energjisë, Belinda Balluku; Ministri për Europën dhe Punët e Jashtme, Igli Hasani; Ministri i Mbrojtjes, Niko Peleshi; Ministrja e Bujqësisë dhe Zhvillimit Rural, Anila Denaj; Ministrja e Shëndetësisë dhe Mbrojtjes Sociale, Albana Koçiu; Ministrja e Arsimit dhe Sportit, Ogerta Manastirliu; si dhe Ministrja i Turizmit dhe Mjedisit, Mirela Kumbaro.
Në përfundim të vizitës, Kryeministri Rama dhe Presidenti turk Recep Tayyip Erdogan do të komunikojnë për median deklaratën e përbashkët për shtyp.
