Viti 2023 për yllin e muzikës pop, Shakiraka nuk ka qenë i lehtë. Ajo u përball me tradhëtinë e partnerit të saj Pique, lidhjen e re të ish-partnerit të saj, ndryshimin e vendbanimit dhe thuajse të gjithë stilit të saj të jetesës.
Mirëpo, duket se transferimi në Amerikë bashkë me dy djemtë e saj i ka ndikuar pozitivisht. Këtë e ka treguar vetë ajo në një intervistë për revistën kolumbiane, Hola ku zbuloi gjithçka rreth jetës së saj të re në Miami.
Ajo u shpreh se jeta në Spanjë pas ndarjes nga Pique u vështirësua si për të ashtu edhe për fëmijët, pasi mediat nuk i linin të qetë. Ndërsa në Miami Shakira bashkë me Milan dhe Sasha po jetojnë të qetë dhe të lumtur.
“Unë i jam përkushtuar rritjes së fëmijëve. Nuk i kam parë kurrë fëmijët e mi kaq të lumtur. Ata shkojnë në aktivitetet e tyre jashtëshkollore pa i ndjekur askush, jo si në Barcelonë, ku kishim paparacët në derë çdo ditë. Ata tani bëjnë një jetë të lirë dhe normale si dy fëmijë të zakonshëm, jo si fëmijë të famshëm”, tregoi ajo.
Edhe nga ana profesionale gjërat për kolumbianen po shkojnë mirë, ajo po shijon momentalisht gjithë vëmendjen e marrë nga këngët e saj të fundit.
