Pas letrës së dërguar dje nga SPAK në Kuvend, ku kërkon arrestimin e ish-kryeministrit është mbledh grupi parlamentar i opozitës.
Ishte Sali Berisha ai që thirri këtë mbledhje të deputetëve, ku sipas burimeve nga BallkanWeb është diskutuar se të enjten aksioni opozitar do të vazhdojë në Kuvend, madje thuhet se opozita do të thirrë edehe mbështetësit e saj para Parlamentit.
Mendohet se ky aksion këtë radhë të jetë shenjë revolte ndaj PS-së, e cila ka lajmëruar votimin e ndryshimeve pa konsensusin e opozitës të rregullores së Parlamentit, ku tashmë deputetët e opozitës, mund të përjashtohen deri në 2 muaj.
Mirëpo, Bardhi ka kundërshtuar Berishën, i cili është shprehur se ende nuk është momenti që opozita të therrasë qytetarët në protestë, pasi do të duhet ende që këtë betejë ta përballojnë deputetët, dhe se është thënë publikisht se deputetet duhet të sakrifikojnë për të drejtat e tyre të shkelura kushtetuese.
Ndërsa, Berisha ka theksuar se nëse nuk do të zhvillohet një protestë këtë të enjte, ajo nuk mund të zhvillohet pas një jave, pasi do të përkoje me momentin, kur atij do t’i hiqet imuniteti dhe kjo do të konsiderohet si një proteste për hallin e tij personal.
