Policia në bashkëpunim me forcat RENEA dhe Prokurorinë e Krimeve të Rënda, ka nisur një operacion të gjerë, për goditjen e grupeve kriminale në vend.
Autoritetet e rendit bëjnë me dije, se kanë goditur një grup kriminal në Tiranë, shkruan “Balkanweb”.
Në total janë lëshuar mbi 30 urdhër-arreste ndaj personave të dyshuar për trafik droge.
Mësohet se urdhër-arrestet janë firmosur nga prokurori, Vladimir Mara.
Kujtojmë këtu se gjatë këtij operacioni janë arrestuar 8 persona në Tepelenë, ndërsa në Lazarat janë shoqëruar edhe dy gra.
Njëri prej të arrestuarve në Tepelenë, është proceduar edhe në të shkuarën për trafik droge.
Hetimi ndaj këtyre personave ka nisur një vit më parë nga Prokuroria e Krimeve të Rënda.
