Ministrja e Shëndetësisë dhe Mbrojtjes Sociale, Ogerta Manstirliu me anë të një postimi në rrjetet sociale iu ka bërë apel qytetarëve që të mos neglizhojnë vaksinimin anti-COVID. Ndër të tjera Manstirliu ka shtuar se në vendin tonë janë mbi 10 mijë raste aktive, ndërsa vetëm në 24 orët e fundit u shënuan mbi një mijë raste të reja me koronavirusit.
Manastirliu ndër të tjera ka shkruar se situata kërkon përgjegjësi për mbrojtjen e shëndetit të vetes dhe të tjerëve.
“Rritja e rasteve të infektimeve ditore, shtrimeve në spital dhe kalimi i mbi 10 mijë rasteve aktive me #Covid19, kërkon nga secili prej nesh përgjegjësi për mbrojtjen e shëndetit për veten dhe të tjerët.
‼Mos e neglizho vaksinimin anti COVID.
#VaksinatShpëtojnëJetë”, shkruan ministrja e Shëndetësisë dhe Mbrojtjes Sociale, Ogerta Manastirliu.
Kujtojmë se ditën e kanë rezultuar pozitivë me koronavirus, 1054 qytetarë. Fatkeqësisht e kanë humbur betejën me virusin 3 pacientë. Aktualisht janë 10,088 pacientë aktivë me COVID-19 në të gjithë vendin. Në Spitalin Infektiv po marrin trajtim më të specializuar 96 pacientë, nga të cilët 18 janë në gjendje më të rënduar. Lajm i mirë është se betejën me virusin e rrezikshëm e kanë fituar 469 qytetarë, duke e çuar numrin e të shëruarve në 133,801 që nga fillimi i epidemisë.
Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe njerëzit e afërt dhe për të frenuar përhapjen e virusit të rrezikshëm.
