Një kontigjent tjetër prej 150 qytetarësh afganë ka mbërritur mëngjesin e sotëm në aeroportin e Rinasit.
Avioni i ardhur nga Abu Dabi është ulur në pistë rreth orës 5 të mëngjesit.
Sipas informacioneve të marra nga Ministria e Jashtme është bërë me dije se 103 persona janë akomoduar në Qytetin Studenti dhe 47 të tjerë në struktura hoteliere në Durrës.
Në total gjatë katër ditëve të fundit në kanë ardhur gjithsej 607 qytetarë afganë.
Pas mbërritjes së refugjatëve afganë në vendin tonë ata u janë nënshtruar vizitave mjekësore, një grup i cili tashmë prej ditësh tashmë është akomoduar pranë aeroportit për t’u ardhur në ndihmë sa më shpejt afganëve.
“Në orët e para të mëngjesit mbërriti dhe një avion tjetër me refugjatë afganë mes të cilëve dhe fëmijë. Në orën 5 të mëngjesit mbërritit në aeroportin e Rinasit avioni me 150 pasagjerë, 103 prej të cilëve janë akomoduar në Qytetin Studenti dhe 47 të tjerë në struktura hoteliere në Durrës. 150 personat e mbërritur sot çojnë në 607 numrin e qytetarëve afganë të ardhur në vendin tonë deri më tani”, thuhet në njoftimin e MEP.
Kujtojmë se refugjatët afgaë u detyruan të braktisnin vendin e tyre kur talebanët morën nën kontroll pushtetin në Afganistan ku ndërkohë nisën dhe luftëra e protesta të ndryshme për të kthyer gjërat në normalitet siç ishin.
