Brexit vazhdon të mbetet problem i madh jo vetëm për Britaninë, por edhe për Evropën.
Të ndodhur para mëdyshjes së Britanisë, Shefi negociator i Bashkimit Evropian për Brexit, Michel Barnier ka thënë se kufiri irlandez është pjesë e marrëveshjes së Britanisë për largim nga Bashkimi Evropian dhe nuk do të rinegociohet. Pra Evropa tashmë i ka vendosur kushtet dhe kjo nuk futet më në diskutim. Për më tepër në Parlamentin Evropian, Barnier ka thënë se parandalimi i kufirit të ashpër është “zgjedhje e realizueshme”.
Kjo situatë është krijuar pas votimit kundër të ligjvënësve britanikë për marrëveshjen që është diskutuar këto 18 muaj mes BE-së dhe Britanisë. E gjendur para presionit, May ka thënë se do të mundohet për një “marrëveshje alternative”, por mesa duket po has pengesa të mëdha.
Kjo kundërshti e britanikëve vjen pasi ndalesa në këtë pjesë është “siguri” për të ndaluar kthimin e mallrave dhe njerëzve nga njëri vend në tjetrin.
Dhe në rastin se kjo ndalesë është e pranishme, atëherë kjo do ta mbajë Mbretërinë e Bashkuar brenda unionit të doganave të BE-së, si dhe do të krijonte disa lehtësira në një treg të përbashkët, shkruan REL.
Ndërkohë presidenti i Komisionit Evropian, Jean-Claude Juncker ka thënë se beson në “përkushtimin personal” të kryeministres May për të parandaluar “kthimin mbrapa në të kaluarën e errët”.
Britania e Madhe pritet të dalë nga Bashkimi Evropian në datë 29 mars të këtij viti.
