Gjykata ka dënuar 5 ditë më parë tre autorët e vrasjes së Premtim Begajt dhe plagosjes së Enea Myftaraj në Borsh, në korrik të 2017-s.
Sipas “Shqiptarja.com”, një nga të pandehurit, Nasi Hodo, është dënuar me 18 vite burg.
Rezulton se ky shtetas është dënuar edhe me dy vite burg për plagosjen e lehtë me dashje të Donaldo Kostës.
Bashkëpunëtori i Hodës, Xhonatan Muçaj është dënuar me 20 vite burg.
Gjykata e Vlorës konstatoi se Muçaj ishte personi më aktiv në krim.
Edhe Ronaldo Shehu është dënuar me 3 vite burg, për moskallëzim krimi
Referuar dosjes, ngjarja e rëndë ndodhi pas një konflikti banal.
Viktima po kalonte me makinë pranë një lokali, ku po qëndronin autorët dhe për shkak të shpejtësisë është ngritur pluhur.
Ky veprim i është dukur i qëllimshëm autorëve, të cilët pasi e ofenduan, e sulmuan fizikisht dhe me sende të forta Begajn duke e vrarë, ndërsa shoku i tij Enea Myftaraj mbeti i plagosur rëndë.
