Policia e Tiranës ka arrestuar një 19-vjeçar me iniciale A.H.
Ky i fundit është autor i plagosjes së rëndë të regjistruar mbrëmjen e djeshme tek shinat e trenit.
Mësohet se A.H., ka goditur disa herë me thikë 37-vjeçarin I.Z.,, duke i shkaktuar plagë të rënda.
I plagosuri sipas policisë, ndodhet në gjendje të rëndë për jetën.
I riu ndërkohë u arrestua nga policia rreth dy orë pasi kishte kryer krimin.
Materialet procedurale i kaluan Prokurorisë së Tiranës për veprime të mëtejshme.
Njoftimi i policisë
Tiranë
E godet disa herë më thikë duke e plagosur rëndë një 37-vjeçar, falë reagimit në kohë të shërbimeve të Komisariatit të Policisë Nr. 3 kapet dhe arrestohet autori.
Nga specialistët për hetimin e krimit në Komisariatin e Policisë Nr. 3 u bë arrestimi në flagrancë i shtetasit A. H., 19 vjeç, banues në Tiranë.
Arrestimi i tij u bë pasi ky shtetas, tek shinat e trenit, rreth orës 20:05 të mbrëmjes së datës 20.01.2020, për motive të dobëta ka goditur disa herë me një mjet shpues e prerës shtetasin I. Z., 37 vjeç, banues në Tiranë, i cili ndodhet në gjendje të rëndë për jetën.Shërbimet e Komisariatit të Policisë Nr. 3, pas marrjes së njoftimit për ngjarjen, kanë shkuar menjëherë në vendngjarje dhe pas rreth dy orë kërkimesh dhe kontrollesh në zonë, bënë të mundur gjetjen, kapjen dhe arrestimin e 19-vjeçarit.Materialet do t’i kalojnë Prokurorisë së Rrethit Gjyqësor Tiranë, për veprën “Plagosja e rëndë me dashje”.
