Italia vijon të përjetojë orë dramatike për shkak të koronavirusit, teksa numëron 47.021 të prekur, nga të cilët 5129 janë shëruar dhe 4032 kanë ndërruar jetë.
Qeveria italiane ka ndërmarrë masa të reja për lëvizjen e qytetarëve, të cilët mund të kryejnë aktivitetin e tyre vetëm pranë shtëpisë.
Vetë ditën e djeshme janë proceduar 9888 persona për thyerje të rregullave të lëvizjes.
Dyqanet dhe supermarketet ndërkohë do të qëndrojnë të hapura edhe gjatë fundjavës.
Ministri i Mbrojtjes, Lorenzo Guerini, paralajmëroi se në rrugë do të shtohen forcat e ushtrisë dhe Itali do të ndjekë shembullin e Koresë së Jugut.
Në Bergamo ndërkohë situata vijon të jetë kritike, teksa mjetet e ushtrisë transportuan sot 74 arkivole.
Ndërkohë thirrjes së kryeministrit Conte, për ndihmë në rajonin e Lombaridsë i janë përgjigjur 3500 mjekë deri më tani, ndërsa aplikimet do të mbyllen në mbrëmje.
Në Spanjë situata vijon të jetë po e njëjtë ndërsa në rang global numërohen mbi 270 mijë të prekur dhe mbi 11 mijë viktima.
Në Kinë ndërkohë të gjithë fabrikat kanë filluar nga puna, pas kapërcimit të situatës kritike.
