Sot Ambasada Amerikane në Tiranë ka rikujtuar ditën e shënuar, të përvjetorit të rivendosjes së marrëdhënieve diplomatike mes SHBA dhe Shqipërisë, pas një ndërprerjeje 52-vjeçare.
Marrëdhëniet janë rivendosur më 15 mars, 1991 në ceremoninë historike të nënshkrimit të Memorandumit të Mirëkuptimit.
Mesazhi i ambasadës
Çdo vit, më 15 mars, ne festojmë përvjetorin e rivendosjes së marrëdhënieve diplomatike midis Shteteve të Bashkuara dhe Shqipërisë (më 15 mars, 1991), pas një ndërprerjeje prej 52 vjetësh. Në ceremoninë historike të vitit 1991 për nënshkrimin e Memorandumit të Mirëkuptimit, i cili rivendoste marrëdhëniet diplomatike mes dy vendeve, Ndihmës Sekretari i atëhershëm i Shtetit për Çështjet Europiane dhe Kanadeze Rejmond G.H. Saitc, tha:
“Marrëdhënia midis vendeve tona fillon me vitet e hershme të këtij shekulli, kur Presidenti Udrou Uillson i ofroi mbështetjen amerikane shtetit të ri shqiptar. Marrëdhënia nuk u harrua kurrë nga mijëra amerikanët me origjinë shqiptare…të cilët mbajtën kontaktet me atdheun e tyre gjatë gjithë këtyre viteve.”
https://www.facebook.com/usembassytirana/videos/1342571382564453/
