Kandidati i PD për deputet, Mark Marku ka bërë një paralajmërim të fortë për sa i përket blerjes së votave. Në emisionin “Open” ai ka thënë se Tom Doshi ka tre deputetë të blerë për t’u futur në parlament. Marku tha se votat janë blerë nga 400 deri në 1000 euro për familjen e po ashtu me vende pune. Ai ka paralajmëruar se ditën e nesërme do dalin edhe videot që e faktojnë këtë gjë.
“Ka 3 deputetë të blerë të futur në parlament. Fakti është brenda. Na kërkoni neve faktet, i kemi të gjitha faktet. Ju mendoni se PSD mund të merrte 3 deputetë? 4 i ka marrë në kohën e Gjinushit dhe duke ia falur. Ajo është parti e shitur, ia ka blerë Skënder Gjinushit. E dinë sa lekë, 400 deri në 1000 euro familja. Do dalin të gjitha të përgjuara dhe të faktuara. E kemi ndjekur. Ua marrim policëve të tu. Votat janë blerë me vende pune, janë blerë me para në dorë, nesër dalin videot. Ka dhunim të komisionerëve, ka pushime nga puna të personave të administratës publike”, ka thënë Marku.
