Takimi i kryedemokratit Lulzim Basha me qytetarët në Durrës ka alarmuar mazhorancën.
Paraditen e sotme, kreu i Partisë Demokratike ka vijuar turin e takimeve në zonën e ish-kënetës në Durrës, ku u njoh më nga afër me problemet e qytetarëve.
Basha përsëriti akuzat ndaj kryeministrit, duke thënë se Ramavirusi ka shkatërruar ekonominë dhe vendet e punës, si dhe ka rritur taksat për 7 vite.
https://www.facebook.com/lulzimbasha.al/photos/a.3202766066441219/3202766743107818/?type=3
Menjëherë pas fotove të publikuara nga kreu i PD ka reaguar kreyeministri Rama, i cili në një status në Twitter, ka shpërndarë një foto ku Basha duket mes dhjetra protestuesve dhe e akuzon se ka rrezikuar shëndetin e qytetarëve për të shpërndarë mesazhe politike, që siç i quan ai janë “pllakë gramafoni”.
Së fundmi, është ministrja e Shëndetësisë, Ogerta Manastirliu ajo që ka reaguar për mitingun që ka zhvilluar kryedemokrati Lulzim Basha mëngjesin e sotëm në Durrës.
Në një postim në Facebook ajo shprehet se është tmerruar, kur ka parë fotot, ku njerëzit shaqen grumbull.
Manastirliu iu bën thirrje qytetarëve që mos i binden thirrjeve të Bashës, por të respektojnë masat për Covid-19.
Reagimi i plotë:
Si ministre e Shëndetësisë dhe Mbrojtjes Sociale jam e tmerruar nga kjo shfaqje ekstreme papërgjegjshmërie, në kushtet e hapjes, kur më shumë se kurrë njerëzit duhet të respektojnë rregullat e mbrojtjes nga COVID-19, sepse ekspozimi është i madh!
Si mund të jepet kjo shfaqje dhe cili lider në botën e sotme jep këtë shembull thjesht për interesin e vet politik?! Zoti Basha mund t’i thotë të tëra ato që ka për të thënë, pa vënë në rrezik shëndetin e njerëzve në këtë formë ekstreme papërgjegjshmërie. Numrat e rritur janë efekt i parashikuar i hapjes. Por kjo ngjeshje njerëzish për qëllimet e një njeriu mund t’i rrisë numrat përtej parashikimeve më negative dhe kostoja mund të bëhet marramendëse! U bëj thirrje qytetarëve të mos bien pre e kësaj papërgjegjshmërie të pajustifikueshme dhe zotit Basha të mos i faturojë njerëzve e vendit, koston e papërballueshme të luftës së tij të dëshpëruar për pushtet!
