Ditën e sotme u zbulua se shkak për rrëmbimin e Jak Prengës ishte bëri i vëllai, i cili ishte i përfshirë në pazare droge (lexo këtu).
Po ashtu, u tha se makina që u përdor për rrëmbimin e Prengës i përkiste një këngëtareje.
Së fundmi, gazetarja Klodiana Lala ka dhënë detaje të reja rreth kësaj çështjeje.
E ftuar në emisionin “Opinion”, Lala shtoi se do të ndërmerren masa akoma më të forta për të zbardhur këtë ngjarje, pasi pritet që në Shqipëri të zbarkojnë hetuesit britanikë.
Sipas saj, makina me të cilën e rrëmbyen, “Range Roveri”, i përket një këngëtareje tallavaje.
“Policia u vu në dijeni se 4 persona kishin marrë peng një person. Në momentin e parë kur u mësua identiteti polica filloi hetimet nëse kishte rekorde kriminale. Viktima kishte patur më parë emrin Dodë Prenga dhe nuk kishte patur rekorde kriminale. Ka patur një përplasje në momentin e parë mes tyre përpara një parkukerie. Makina i ishte vjedhur një këngëtare tallavaje. Kjo makinë u gjet e djegur dhe targat ishin të falsifikuara. Autoritetet zbuluan më pas se vëllai i viktimës kishte rekorde kriminale në Britani dhe kjo zhvendosi fokusin e hetuesve. U sekuestruan të gjitha kamerat e sigurisë në zonë. Janë disa kamera sigurie dhe mes tyre edhe ato të resoritit luksoz të autorëve. Ka informacione se pamjet e kamerave të resortit tregojnë trupin e pajetë të viktimës duke u futur në resort. Po të shkosh në vendin e ngjarjes në momentin që e kanë marrë e kanë kapur dy persona nga këmbët dhe dy nga krahët. Ata donin të dërgonin mesazhe shumë të qarta për vëllain e tij i cili është përfshirë në afera të mëdha në trafikun e drogës. Vëllai i Jan Pregës është në përgjim nga autoritetet britanike. Këtu pritet të vijë një dosje e madhe dhe hetues britanikë,”– theksoi më tej gazetarja Klodiana Lala.
Forcat RENEA rrethuan dje resortin “Golden”, ku vunë në pranga të afërmit e dy pronarëve të godinës, Bajram Hajrin, djalin e tij, Leonard Hajrin, Olsi Turjan dhe Elton Hajrin.
Në kërkim është shpallur Altin Hajri, një nga pronarët e “Golden”, që njihet edhe si koka e trafikut të drogës nga Afganistani me destinacion Italinë.
Ndërkohë sonte, operacioni i policisë u zhvendos në Kavajë.
Një tjetër person nga fisi Hajri, me inicialet F.Xh. u arrestua.
Po ashu, gjashtë të tjerë janë shpallur në kërkim.(lexo këtu)
