Sipas rezultateve, Emmanuel Macron ka siguruar 58% të votave, ndërsa kundërshtarja e tij Marine Le Pen 41.8%. Kështu, Macron fiton edhe një mandat të dytë presidencial pesë-vjeçar në Francë
Francis Pretot, një stilist në pension, tha se ishte i dëshpëruar nga rezultati dhe diferenca me të cilën Emmanuel Macron po shkon drejt mandatit të dytë.
“Ai do të shkatërrojë gjithçka,”- tha stilisti për BBC. Pretot tha se kishte qenë i bindur se Le Pen do të fitonte sepse shumë pjesë të vendit po vuanin.
Pretot tha se kishte qenë i bindur se Le Pen do të fitonte sepse shumë pjesë të vendit po vuanin. Ai shpjegoi se besonte se e vetmja mënyrë për të krijuar një Francë më të drejtë ishte që tani të ndërtohej një “bashkim i patriotëve”, me fjalë të tjera një koalicion mbështetësish të krahut të djathtë. Por ai shtoi se do të ishte e vështirë të bëhej pas fitores së Macron.
Theksojmë se menjëherë pas rezultatit të shpallur, Franca u pushtua nga festime të shumta, ku shumica e francezëve përkrahën Macron, si një lider i duhur për të udhëhequr shtetin francez.
Marine Le Pen në një fjalim të mbajtur për mediat, shprehu mirënjohjen e saj për njerëzit që votuan për të në provinca, në fshatra dhe në territoret përtej detit të Francës dhe shprehu bindjen se do të ketë betejë të madhe në zgjedhjet legjislative që do të mbahen në qershor. Presidenti i Këshillit Evropian, Charles Michel, përshëndeti rezultatin dhe uroi Macron për fitoren e tij të parashikuar.
