Detaje të reja janë zbuluar lidhur me ngjarjen e rëndë të ndodhur në Zall Mner, ku 48-vjeçari Lulzim Visha u gjet i vrarë në makinën e tij.
Ai është vëllai i Besnik Vishës.
Në vitin 1997, Besnik Visha vrau Refik Domën në afërsi të Universitetit Bujqësor të Tiranës dhe u dënua me 12 vjet burg për vrasje me dashje dhe armëmbajtje pa leje.
Hetimet e deritanishme sugjerojnë se një prej pistave që po shqyrton policia është hakmarrja.
Dyshohet se ai është qëlluar me silenciator pasi banorët e zonës janë shprehur se nuk kanë dëgjuar të shtëna.
Në vendngjarje u gjetën 12 gëzhoja plumbash. Po ashtu, policia ka nisur kërkimet për një automjet tip “Porsche” ngjyrë gri, i cili dyshohet se është përdorur nga autorët.
Lulzim Visha ishte baba i dy fëmijëve dhe ka pasur disa procedime penale në të kaluarën.
