Ngjarja të cilës i frikësohej e gjithë bota, tashmë ndodhi, Rusia ka nisur pushtimin e Ukrainës nga Donbasi duke shkaktuar shtatë të vrarë dhe nëntë të plagosur deri më tani.
Ndërkohë ministri i Jashtëm i Ukrainës, Dmytro Kuleba, është shprehur këtë mëngjes se Rusia nisi pushtimin e vendit të tij. Në një postim në Twitter, Kuleba shkroi se presidenti rus, Vladimir Putin ka nisur “pushtimin e Ukrainës në shkallë të plotë dhe se bota mund dhe duhet ta ndalë Putinin”. Presidenti i Ukrainës, Volodymyr Zelenskyi tha se Rusia ka kryer sulme me raketa në infrastrukturën e Ukrainës dhe mbi rojet kufitare.
Ndërkohë Banka Kombëtare e Ukrainës ka vendosur të hapë një llogari të posaçme për mbledhjen e fondeve për të mbështetur Forcat e Armatosura të Ukrainës.
Ky vendim u mor në lidhje me vendosjen e ligjit ushtarak në Ukrainë, agresionin e armatosur të Federatës Ruse dhe rrezikun për pavarësinë shtetërore të Ukrainës, integritetin e saj territorial.
Hapja e llogarisë speciale u njoftua nga Kryetari i Bankës Kombëtare të Ukrainës Kyrylo Shevchenko në fjalimin e tij video në mëngjesin e 24 shkurtit.
Detajet e llogarisë speciale zyrtare: UA843000010000000047330992708
Llogaria është shumë valutore, ajo krijohet dhe hapet si për transferimin e fondeve nga partnerët dhe donatorët ndërkombëtarë – në valutë të huaj (dollarë amerikanë, euro, paund britanik), dhe nga bizneset dhe qytetarët ukrainas – në monedhën kombëtare.
Ne mbështesim ushtrinë ukrainase!
