Ministri i Brendshëm Sandër Lleshaj ka dorëzuar dorëheqjen e tij nga posti, pas ngjarjes së rëndë që ndodhi para dy ditësh në Tiranë, ku një i ri u vra nga një polic. Lajmi u dha nga vet kryeministri Edi Rama.
Kryeministri Edi Rama ka shpërthyer në akuza në lidhje me ngjarjen e rëndë, vrasjen e të riut Klodian Rashës, duke shigjetuar presidentin Ilir Meta dhe kreun e PD-së, Lulzim Basha.
Në një dalje për mediat, kreu i qeverisë tha se i pari që ka cënuar institucionet është Meta, ndërsa i sugjeroi atij që mos të hapë gojën për policinë. Ndërsa Bashën e ka cilësuar një lider kukull që merrej me revolucione të mbetura në tentativë.
“Tragjedia e natës së para dy ditëve është një episod i dënueshëm, i pafalshëm, pro pa asnjë lidhje me punën e policisë. Kush thotë të kundërtën, nuk ka fakte të thotë atë që thotë. Presidente i Republikës, që është prova ulëritëse, e inatit të tij personal, në dëm të institucionit, është i fundit që duhet të hapë kamerën e gojës. Jo vetëm se është një nga nxitësit e serialeve, por se ka thënë kurrë një fjalë solidaritet, por se është një nga shembujt më të këqij të shtetit institucional. I fundit që mund të japë leksione se si duhet të reagojë ministria e Brendshme, është kryetari kukull i PD, Lulëzim Basha, Ai është udhëheqësi i disa revolucioneve të mbetura në tentativë. Ai është ministri i Brendshëm i masakrës së 21 janarit. Ishte qeveria, kryeministria, e kthyer në një grykë zjarri, kur protesta po shpërndahej. Këto që ndodhin sot, nuk kanë krahasim me dje. Gjithashtu nuk ka asnjë diskutuam se si çdo pyll që ka derrat e vetë, ka dhe policia të padenjët e saj. Askush se ka pretenduar të kundërtën.”, tha Rama.
