Teksa friksa se Lija e Majmunit mund të përhapet gjithnjë e më shumë ekziston, Departamenti Amerikan i Shtetit dhe Shërbimeve Personale ka marrë një vendim të rëndësishëm.
Ai ka njoftuar një masash për të ndikuar në rritjen e shpërndarjes së vaksinave kundër lisë së majmunit.
Sipas DASH kjo do të ndihmojë në përshpejtimin e mbërritjes së produkteve në komunitetet më të rrezikuara.
Ndërkohë bëhet me dija se administrata e Departamentit i ka dhënë një kontratë 19.8 mln dollarë një kompanie farmaceutike për të forcuar kapacitetin e shpërndarjes. Sipas autoriteteve këto masa synojnë të parandalojnë përhapjen e lisë së majmunit.
Vlen të theksojmë se Lija e majmunit është një virus që e ka origjinën tek kafshët e egra, si brejtësit dhe primatët, dhe që ndonjëherë kalon edhe tek njerëzit. I përket të njëjtës familje virusësh të lisë. Sëmundja u identifikua për herë të parë nga shkencëtarët në vitin 1958 kur pati dy epidemi të një sëmundjeje, që i ngjasonte lisë, në radhët e majmunëve që përdoreshin për studime – kështu mori edhe emrin lija e majmunit.
Megjithatë nuk janë majmunët, që shërbejnë si kontigjenti kryesor për këtë virus, por janë në fakt brejtësit. Infektimi i parë tek njeriu ndodhi në vitin 1970 tek një djalë në një zonë të largët të Kongos. Në vitin 2003, 47 persona në gjashtë shtete amerikane u infektuan nga qentë e egër që jetonin pranë disa gjitarëve të vegjël të importuar nga Gana. OBSH-ja vlerëson se tashmë ka mijëra raste të tilla në vit kryesisht në vende afrikane dhe se kjo sëmundje mund të rezultojë fatale për 1 në 10 persona.
