Policia italiane është ende në kërkim të Edison Pulës, shqiptari i cili u arratis nga burgu i Trevisos më 9 qershor, rreth orës 5 të mëngjesit. Pula në bashkëpunim me dy shqiptarë të tjerë, prenë hekurat e qelisë me një sharrë dhe zbritën poshtë me çarçafë. Dy shqiptarët e tjerë u arrestuan pak pasi kryen arratisjen, ndërsa Pula arriti të kapërcente murin dhe të zhdukej pa lënë gjurmë.
Mbi këtë ngjarje ka folur drejtori i burgut, Alberto Quagliotto, i cili dëshmon të ketë një panoramë të qartë se si ka ndodhur i gjithë plani dhe për këtë arsye ka nisur një hetim të brendshëm për të saqruar disa aspekte të historisë që duken të mbuluara me mister.
Autoritetet dyshojnë se 27-vjeçari, tashmë i kërkuar nga të gjitha forcat e policisë në nivel kombëtar dhe ndërkombëtar, ka përdorur një ose më shumë bashkëpunëtorë për tu larguar nga burgu, si dhe ndoshta për tu larguar nga italia. Nga ana tjetër, Quagliotto ka nisur një apel për administratën e burgut që të mund të ketë përforcime (stafi është 18% më i ulët se sa duhet), pikërisht për të parandaluar atë që Edisoni arriti të bënte, të arratisej.
Drejtori i burgut nuk përjashton dhe një përfshirje të “Ndranghetas” në lirimin e shqiptarit.
“Krimi shqiptar ka qenë prej kohësh aleat në veri me “Ndrangheta” dhe klanet mafioze për të menaxhuar trafikun e drogës dhe prostitucionit dhe ka treguar një “hap cilësor” dhe egërsi duke ngjitur komandën mbi territore” tha sekretari i përgjithshëm i S.PP. – Sindikata e Policisë Penitenciare – Aldo Di Giacomo
Të dhënat e siguruara nga Departamenti i Administratës së Burgjeve vërtetojnë, në periudhën dyvjeçare 2019-2020, praninë e pak më pak se 2 mijë të paraburgosurve shqiptarë (2402 në 2019, 1956 në 2020) me një incidencë prej 4% në numrin total të subjekte të kufizuara dhe 12% vetëm për të huajt.
“Dhe pikërisht në burg – vijon Di Giacomo – ndërtohen lidhjet mes klaneve dhe rekrutimi i filialeve të reja si dhe mbajtja gjithmonë e gjallë e lidhjeve, sidomos telefonike, me territoret”.
