Presidenti i Ukrainës, Volodymir Zelensky ka reaguar ashpër pas publikimit të disa videove dhe përhapjes së tyre në rrjete sociale, ku thuhej se ishte momenti kur një ushtari ukrainas i prehej koka nga një ushtar rus.
Duke i dënuar këto sjellje, Zelensky ka bërë thirrje që liderët botërorë të reagojnë dhe t’i përgjigjen brutalitetit të forcave ruse.
“Të gjithë duhet të reagojnë. Çdo lider. Mos prisni që kjo të harrohet”, ka thënë Zelensky në një video-mesazh.
Ndërkohë Shërbimi i Sigurisë SBU i Ukrainës ka bërë me dije se ka nisur hetimet për krimet e luftës,
Nga ana tjetër Kremlini tha se pamjet ishin të tmerrshme, por duhet të hetohet dhe të zbulohet se kush qëndron pas këtij veprimi.
Regjistrimi mundohet të jetë bërë gjatë verës së kaluar, dhe autorët dëgjoheshin teksa flisnin rusisht, shkruan BBC.
pekulime në internet se video është filmuar pranë qytetit të Kreminna në Ukrainën lindore. Klipi filloi të qarkullonte në Telegram , pasi një bloger i njohur pro Kremlinit e ndau atë me afro 300,000 ndjekësit e tij. Më pas, video është përhapur në Twitter.
Muajin e kaluar presidenti Zelensky premtoi të gjente ushtarët rusë që me sa duket qëlluan për vdekje një të burgosur lufte të paarmatosur ukrainas të quajtur Oleksandr Matsiyevskiy.
Zëdhënësja e çështjeve të jashtme të BE-së, Nabila Massrali i kujtoi Rusisë se duhej t’i përmbahej ligjit humanitar dhe shtoi se BE-ja ishte e përkushtuar të mbante llogari të gjithë autorët e krimeve të luftës të kryera gjatë luftës.
