Gjykata Speciale (GJKKO) ka vendosur që të kalojë për gjykim një pjesë të dosjes së ashtuquajtur “399”, ku bëjnë pjesë anëtarët e grupit Avdylaj, të cilët akuzohen për drogën e gjetur në Branogë.
SPAK ka mbyllur hetimet dhe ka dërguar më datë 17 janar në këtë gjykatë, “Dosjen 339” nën akuzën e trafikut të drogës.
Një muaj më parë, Altin Avdyli, kërkoi një masë më të lehtë, pasi u shpreh se në qeli i rrezikohet jeta nga Covid-19, sepse vuan edhe nga hipertensioni, por gjykata e la në burg.
Avdyli u vu në pranga gjatë super-aksionit “Volvo-4”, të finalizuar pasditen e 21 tetorit 2018.
Nga operacioni u godit grupi i laboratorit të heroinës në Has, grupi i Shijakut, ndërsa janë arrestuar edhe dy ish-deputetët e PS, Arben Ndoka dhe Arben Çuko, që dolën nga përgjimet e grupit kriminal të Avdylajve.
Të pandehurit akuzohen për “grup të strukturuar kriminal”, “trafik droge” dhe “pastrim parash”.
