Ardian Ismajli vazhdon të tregojë se është në formë të shkëlqyer. Mbrojtësi i Kombëtares shqiptare, regjistroi një tjetër paraqitje dinjitoze në duelin ndaj Kaljarit, ku skuadra e tij, Empoli, triumfoi me rezultatin 0-2. 27-vjeçari ishte një nga më të mirët në fushë, teksa u vlerësua me notën 7.6 nga faqja e specializuar e statistikave “Sofa Score”. Ismajli fitoi 14 duele, si dhe ndërpreu 2 aksione premtuesi. Gjithashtu mbrojtësi shqiptar spastroi 13 herë zonën dhe ndali 1 gjuajtje drejt portës. Ai është shndërruar në lider të vërtetë te skuadra e Empolit, që po kalon një moment mjaft të mirë në Serinë A. Skuadra e Ismajlit momentalisht mban vendin e tretë me 9 pikë në 5 javë, teksa nuk e ka provuar ende shijen e humbjes këtë sezon. Ndërkohë paraqitje shumë të mira regjistruan këtë të premte edhe Taulant Seferi dhe Odise Roshi, të aktivizuar me ekipet e tyre respektive në Turqi. Sulmuesi e bën “sefte” me skuadrën e tij të re, në duelin që skuadra e tij e re, Bodrumspor zhvilloi ndaj Hatajspor në Superligën turke. Futbollisti nga Kumanova, tundi rrjetën në minutën e 27-të të sfidës, duke i dhuruar avantazhin dhe 3 pikët skuadrës së tij, teksa miqtë fituan me rezultatin 0-1 falë golit të Seferit. Titullar në këtë sfidë për skuadrën e Bodrumspor, u aktivizua edhe Arlind Ajeti. Duke qëndruar në Turqi, por një kategori më poshtë, rrugën e rrjetës e gjeti sërish Odise Roshi. Mesfushori fierak shënoi në minutën e 67-të, një gol me “dhunë” duke i dhënë avantazhin Erzurumsporit, në duelin ndaj Erokspor. Ky ishte goli i dytë i Roshit në këtë sezon, duke u shndërruar në një lider te skuadra e tij, që militon në Ligën e parë turke. Vlen të theksohet fakti se 33-vjeçari u transferua këtë edicion te skuadra e Erzurumspor, nga Sakarjaspor, ku vjet shënoi 5 gola.
Zbardhet skandali në Këlcyrë: 16-vjeçarja viktimë e abuzimeve, njerku dhe dy të rinj në pranga, polici në kërkim
Një ngjarje e rëndë me përmasa tronditëse ka dalë në dritë në Këlcyrë, ku një 16-vjeçare është bërë viktimë e...
