Ish-ministri i mjedisit Lefter Koka që prej datës 16 dhjetor 2021 është në burg për shkak të aferave me inceneratorët ku akuzohet për veprat penale ‘ shpërdorim detyre’, ‘korrupsion‘ dhe ‘pastrim parash’.
Koka i ka bërë rekurs Gjykatës së Lartë duke kërkuar një masë sigurie më të butë se ajo e arrestit me burg. Ish-ministri kishte kërkuar përmes avokatëve të tij mbrojtës, ndryshim të masës “arrest në burg” të Apelit të Posaçëm të dates 02 janar. Gjykata e Lartë nuk pranoi rekursin, duke lënë në fuqi masën “arrest në burg”.
Por bëhet me dije se Gjykata e Lartë i ka refuzuar rekursin ish-ministrit të Mjedisit Lefter Koka. Nga ana tjetër, mbi Lefter Kokën, i cili qëndron në burg nga 16 dhjetori, rendon një tjetër mase sigurie “arrest në burg” për llogari të hetimit të inceneratorin e Fierit.
Për këtë çështje, me urdhër të Gjykatës së Posaçme është arrestuar edhe ish-deputeti i Partisë Socialiste, Alqi Bllako, si dhe janë shpallur në kërkim administratorët e kompanive koncesionare, Klodian Zoto dhe Stela Gugallja.
Kujtojmë që ish-ministri I Brendshëm Lefter Koka ka kërkuar vazhdimisht një masë sigurie më të butë, me pretendimin e shqetësimeve shëndetësore, si dhe kundrejt garancisë se ai nuk mund të prishë provat, apo të paraqesë rrezikshmëri për tu larguar nga vendi.
