Ditën e sotme mijëra vetë do t’i japin lamtumirën Silvio Berlusconit, teksa Italia është në zi kombëtare.
Mësohet se ceremonia do të mbahet në orën 15:00 në Katedralen e Milanos, në një funeral shtetëror. Trupi i Silvio Berlusconit, sipas vendimit të autoriteteve, nuk u vendos në pelegrinazh publik sepse sipas tyre, do të ishte e pamundur të kontrollohej në pak orë, pjesëmarrja e lartë e qytetarëve. Pritet që funerali i sotmë të ndiqet nga miliona njerëz në mbarë botën e në të do të marrin pjesë zyrtarët më të lartë shtetërore italianë dhe europianë. Kujtojmë që Silvio Berlusconi u nda nga jeta mëngjesin e të hënës në moshën 86-vjeçare.
Berlusconi kishte pesë fëmijë nga dy martesa. Në vitin 1965 u martua me Carla Elvira Dal’Olio dhe në 1990 me Veronica Lario. Nga martesa e parë pati dy fëmijë, Marina (1966) dhe Pier Silvio (1969), ndërsa nga e dyta Barbara (1984), Eleonora (1986) dhe Luigi (1988).
Vajza e tij e madhe Marina pritet të ketë një rol të rëndësishëm, sipas Reuters. Në veçanti, fëmijët më të mëdhenj, Marina dhe Pier Silvio, pasi janë përfshirë drejtpërdrejt në menaxhimin e kompanive të Berlusconit që kur babai i tyre hyri në politikën italiane në fillim të viteve 1990.
Ai ishte një manjat mediatik, pronar i Milanit dhe biznesmen miliarder, i cili nuk hoqi kurrë dorë nga politika dhe ndihmoi në formësimin e imazhit të Italisë për dekada me radhë.
