Gjermania ka hequr kufizimet për Shqipërinë, Serbinë dhe Maqedoninë e Veriut. Shtetasit nga këto vende mund të hyjnë në Gjermani edhe si turistë.
Duke filluar nga dita e diel, më 20 qershor, shtetasit nga Shqipëria, Serbia dhe Maqedonia e Veriut do të lejohen të hyjnë sërish në shtetin Gjermani pa qenë nevoja të justifikojnë shkakun e udhëtimit. Këtë e bën të ditur Ministria gjermane e Punëve të Brendshme në faqen e saj zyrtare në internet.
Në këtë mënyrë duket se Gjermania ka ndjekur rekomandimin e Këshillit të Bashkimit Evropian. Shtetasit e vendeve të treta përfshijnë edhe qytetarët e Ballkanit Perëndimor. Shumë vende në BE kanë filluar lehtësimin e masave kundër pandemisë dhe synojnë që përmes sezonin të udhëtimeve verore të ringjallin ekonomitë lokale. Pandemia globale e COVID-19, ka marrë shumë jetë njerëzish dhe numri i të infektuarve në disa vende është vërtet alarmant. Vaksina ka sjell një ulje të numrit të të infektuarve në vendet ku është përdorur.
Në listën pozitive të Gjermanisë janë shtuar veç këtyre tre vendeve edhe Shtetet e Bashkuara të Amerikës dhe disa vende të tjera:
Më poshtë është lista e plotë e vendeve që do të lejohen të hyjnë në Gjermani:
Shqipëria (duke filluar nga 20 qershori 2021, 00:00)
Australia
Hongkong (duke filluar nga 20 qershori 2021, 00:00)
Izraeli
Japonia
Libani (duke filluar nga 20 qershori 2021, 00:00)
Macau (duke filluar nga 20 qershori 2021, 00:00)
Zelanda e Re (duke filluar nga 20 qershori 2021, 00:00)
Maqedonia e Veriut (duke filluar nga 20 qershori 2021, 00:00)
Serbia (duke filluar nga 20 qershori 2021, 00:00)
Singapori
Korea e Veriut
Tajvani (duke filluar nga 20 qershori 2021, 00:00)
Tajlanda
ShBA (duke filluar nga 20 qershori 2021, 00:00)./DW
