Një ngjarje e rëndë ka ndodhur në Kukës mëngjesin e sotëm ku tragjikisht ka humbur jetën një i moshuar. Bëhet me dije se viktima është 82-vjeçari Shefik Krasniqi.
Mësohet se i moshuari ndërroi jetë si pasojë e zjarrit që mori banesa e tij, në afërsi të liqenit të Kukësit. Sipas njoftimit zyrtar nga ana e policisë, zjarri u shkaktua si pasojë e lënies ndezur gjatë natës e sobës me dru. Mësohet se Krasniqi jetonte i vetëm. Konkretisht Krasniqi humbi jetën në zjarrin që u shkaktua rreth orës 02:40 ne godinë Ndërkohë grupi hetimor ndodhet në vendngjarje dhe nën drejtimin e Prokurorisë po kryen të gjitha veprimet proceduriale për sqarimin e plotë të rrethanave të ngjarjes.
Njoftimi i plotë i policisë së shtetit:
Kukës/Informacion paraprak
Më datë 28.10.2022, rreth orës 02:40, në afërsi të liqenit të Kukësit, ka rënë zjarr në një godinë dhe për pasojë ka ndërruar jetë shtetasi Sh. K., 82 vjeç, i cili banonte në këtë godinë.
Nga veprimet e para hetimore dyshohet se zjarri ka rënë si pasojë e lënies ndezur gjatë natës e sobës me dru zjarri.
Grupi hetimor ndodhet në vendngjarje dhe nën drejtimin e Prokurorisë po kryen të gjitha veprimet proceduriale për sqarimin e plotë të rrethanave të ngjarjes.
