Bledar Spahiu, 43 vjeç, humbi jetën tragjikisht teksa ishte nisur drejt Parkut Kombëtar të Lurës për të ndihmuar në përballimin e zjarreve që prej ditësh kanë përfshirë zonën.
Automjeti me të cilin po udhëtonte doli nga rruga dhe ra në një humnerë, duke shkaktuar një aksident fatal.
Fillimisht, ai u dërgua në Spitalin Rajonal të Dibrës, por për shkak të gjendjes së rënduar shëndetësore u transportua me urgjencë në Spitalin e Traumës në Tiranë, ku, pavarësisht përpjekjeve të mjekëve, nuk mundi t’i mbijetojë plagëve të marra.
Spahiu kishte një karrierë të gjatë në mbrojtjen e natyrës, me një përvojë prej 19 vitesh në Administratën e Zonave të Mbrojtura të Dibrës.
Ai u nis drejt Lurës si pjesë e përpjekjeve për të ndihmuar në shuarjen e flakëve, por rruga e tij për ndihmë u ndërpre në mënyrë tragjike.
