Është miratuar ligji i amnistisë për të burgosurit.
Kuvendi ka votuar me 94 vota pro, 8 kundër dhe 2 abstenim.
Nga ky ligj përfitojnë:
- 54 gra
- 6 të mitur
- të gjithë të dënuarit burra që u ka mbetur dhe dy vite dënim
- të gjitha të dënuarit e tjerë që janë mbi 60 vjeç.
Ministrja e Drejtësisë Etilda Gjonaj gjatë fjalës së saj tha:
“Nga kjo amnisti përfitojnë të gjithë ata që për shkak të veprës penale dhe shkallës së ulët të rrezikshmërisë janë përjashtuar nga dënimi. Të vetëdijshëm që gratë dhe të miturit janë jo rrallë herë viktima të veprave penale, ky projektligj ka parashikuar lehtësi të ndryshme për gratë dhe të miturit. Nga kjo amnisti do të përfitojnë të gjithë gratë dhe fëmijët për të cilët ka një vendim të formës së prerë deri në 31 dhjetor. Do të amnistohen të gjithë burrat me burgim me një vendim të formës së presë të cilëve i ka mbetur pa vuajtur një dënim deri në 2 vjet. Njëkohësisht do amnistohen ata që kanë qenë 18 ose nën 18 vjeç. Kjo amnisti është ndryshe nga amnistitë e tjera. Nuk do të përfitojnë ripërtëritësit e veprave penale të kategorisë burra. Një nga këto vepra që ka sjellë jo pak ngjarje është futja ose mbajtja e sendeve të ndaluara“, u shpreh Gjonaj.
Mirëpo, deputetët e opozitës Muslim Murrizi dhe Halit Valteri kundërshtuan.
Deputeti Murrizi tha se gratë të dënuara duhet të lirohen të gjitha: “Nuk e keni dëshirën për amnisti , por për falje”
Por, deputetët rrëzuan me shumicë votash amendamentet e deputetëve.
