Gjykata Kushtetuese ka shtyrë për më 17 janar 2025 shqyrtimin e kërkesës së ish-kryeministrit Sali Berisha, që fillimisht ishte planifikuar për më 27 dhjetor 2024.
Në një njoftim zyrtar, Gjykata bëri të ditur se shtyrja u vendos për arsye objektive.
Berisha ka ankimuar masën e arrestit të shtëpisë lidhur me çështjen e privatizimit të ish-kompleksit Partizani.
Në muajin nëntor, Gjykata Kushtetuese kishte pranuar kërkesën e tij për përshpejtimin e procesit dhe caktoi fillimisht datën 27 dhjetor për seancën plenare.
Gjithashtu, në një vendim të mëparshëm të 21 nëntorit, Gjykata Kushtetuese kishte shpallur një pjesë të ankimimeve të Berishës lidhur me masat e SPAK.
Ajo rrëzoi masën e ndalimit të daljes jashtë vendit dhe bllokimin e pasaportës, por vlerësoi si të ligjshme masën e detyrimit me paraqitje, të vendosur pa autorizimin e Kuvendit.
Ndërkohë, Gjykata Kushtetuese rrëzoi gjithashtu ankimimin e Jamarbër Malltezit, duke lënë në fuqi masën e arrestit të shtëpisë të vendosur nga GJKKO.
