Detaje të reja janë zbardhue reth Hekuran Billës, 40-vjeçarit që u ekzekutua me silenciator mbrëmjen e sotme te Komuna e Parisit.
Billa rezulton të jetë një person me precedent penalë, pasi në vitin 2008, rezulton të ketë kryer një vrasje me armë zjarri, kur ishte vetëm 28 vjeç.
Sipas vendimit të dhënë nga Gjykata angleze, lexohet se Billa është dënuar me burg të përjetshëm për vrasjen e një personi të identifikuar si Prel Marku, 22 vjeç.
Po ashtu, mësohet se Hekuran Billa ka qenë i përfshirë edhe në trafikun e drogës në Angli.
Në 2015, Billa është ekstraduar drejt Shqipërisë, por për arsye të pashpjegueshme, 40-vjeçari ka dalë nga burgu dhe ka vijuar jetën e tij.
“Vendimi i huaj Nr.T.20087287 datë 14.10.2008 të Gjykatës së Kurorës Snaresbook, Angli, të dhënë ndaj shtetasit shqiptar Hekuran Billa, i dtl.14. 09.1980, lindur në Kukës dhe banues në Domje Tiranë, i dënuar per veprat penale “Vrasje”; “Vrasje” mbetur ne tentative dy herë ; si dhe “Plagosja me dashje për të shaktuar lëndim të rëndë trupor”; vepra penale të cilat korespondojnë me veprën penale “Vrasja në rrethana cilësuese”, e parashikuar nga neni 79/dh i K.Penal të Republikës së Shqipipërisë. Caktimin e dënimit me burgim të përjetshëm, për shtetasin shqiptar Hekuran Billa. Vuajtja e denimit per te denuarin Hekuran Billa, te filloje më datë 15.11.2007. Kunder vendimit lejohet ankim brenda 10 ditesh nga e nesermja e shpalljes ne Gjykaten e Apelit Tirane. Kunder vendimit ka bere ankim per te denuarin Hekuran Billa, avokatet Ramiz Billa dhe Seit Zeqiri duke kerkuar nga gjykata lenien ne fuqi te vendimit persa i perket njohjes se vendimit penal të huaj Nr.T.20087287 datë 14.10.2008 të Gjykatës së Kurorës Snaresbook, Angli, të dhënë ndaj shtetasit shqiptar Hekuran Billa por duke i caktuar nje denim sa me te ulet. Ne seancen e sotme gjyqesore te zhvilluar ne Gjykaten e Apelit Tirane prokurorja Fatjona Memcaj kerkoi te vendoset mospranimi i ankimit pasi eshte bere nga persona te palegjitimuar,”– thuhet në vendimin e marrë nga drejtësia shqiptare.
Po ashtu, viktima rezulton të jetë marrë me biznes dhe sipas kërkimeve në faqet zyrtare të QKR-së, kishte një biznes të tijin në Tiranë, ku jepte makina me qira.
“Car rent Albania”, quhet biznesi që administronte viktima.
Të dhëna mbi biznesin:
Zona, ku u ekzekutua 40-vjeçari është rrethuar nga policë të shumtë, ndërkohë që paraprakisht raportohet se bëhet fjalë për një atentat të mirëfilltë.
Motivet nuk dihen ende, por bazuar në të shkuarën e 40-vjeçarit, dyshohet se një prej shkaqeve mund të jenë pazaret e drogës, ose vrasja që ka kryer para 12 vitesh.
