Presidenti i Serbisë, Aleksandër Vuçiç, ka mohuar të ketë lidhje me sulmin që ndodhi natën e kaluar në Ibër-Lepenc, në Zubin Potok, duke theksuar se Beogradi nuk ka asnjë rol në këtë ngjarje.
Vuçiç e bëri këtë deklaratë gjatë një bisede me të rinjtë e partisë së tij, ku theksoi se në politikë është e rëndësishme të mos veprohet nxitimthi dhe për këtë ngjarje nuk ka reaguar që në mëngjes.
Asnjëherë mos merrni vendime nën presion. Si mendoni, pse nuk nxitova sot në orën gjashtë të mëngjesit të them se Serbia nuk ka lidhje me atë që ndodhi në Ibër-Lepenc. E dini, ne mund ta bënim këtë dhe ta kthenim lumin përpjetë për ta, nuk na duhej asnjë terrorizëm”, ka thënë Vuçiç siç raporton mediumi publik serb.
Vuçiç tha se ai nuk mund të kërkojë falje “për diçka që nuk e kam bërë”, derisa shtoi se në fund “gjërat bien në vend”.
“Çfarë duhet të bëj që të justifikohem, të vrapoj nëpër mediat e botës, t’u kërkoj falje për diçka që nuk e kam bërë, nëse do ta interpretojnë si të duan. Prandaj gjithmonë ngadalë, në fund, gjithçka do të bjerë në vend. Është e rëndësishme vetëm të punosh, të luftosh dhe të besosh në vetvete”.
