Në kuadër të misionit kundër terrorizmit në Sirinë veriperëndimore, forcat speciale amerikane kanë vrarë liderin e Shtetit Islamik i Irakut në Siri (ISIS), Abu Ibrahim al-Hashimi al-Qurayshi.
Ngjarja ka ndodhur mbrëmjen e të mërkurës, por ditën e sotme lajmin e ka bërë të ditur presidenti i Shteteve të Bashkuara të Amerikës, Joe Biden.
Sekretari për shtypi i Pentagonit, John Kirby, tha në një deklaratë të mërkurën në mbrëmje, se misioni u krye nga Komanda Qendrore e SHBA-ve, e cila kontrollon operacionet dhe aktivitetet ushtarake në Lindjen e Mesme.
Ky mision është cilësuar dhe si “sulmi më i madh i SHBA-ve” në vend, që nga operacioni i vitit 2019 ku u vra liderin e ISIS, Abu Bakr al-Baghdadi.
Sipas burimeve të sigurisë në fund të janarit, Shteti Islamik kreu një nga sulmet e tij më vdekjeprurëse kundër ushtrisë irakiane prej vitesh, duke vrarë 11 ushtarë në një qytet afër Jalaëla-s. Të njëjtën ditë, militantët e saj sulmuan një burg në Siri nën kontrollin e milicisë kurde të mbështetur nga SHBA-të në një përpjekje për të liruar të burgosurit besnikë të grupit.
Ky ishte sulmi më i madh i shtetit islamik që nga shembja e kalifatit të tij të vetëshpallur në vitin 2019. Të paktën 200 të burgosur dhe militantë u vranë, si dhe 40 trupa kurde, 77 roje burgu dhe katër civilë.
Ndërkohë zyrtarët dhe banorët në Irakun verior dhe Sirinë lindore fajësojnë shumë rivalitetet midis grupeve të armatosura. Kur forcat irakiane, siriane, iraniane dhe të udhëhequra nga SHBA-të deklaruan se Shteti Islamik ishte rrahur, ata u përballën me njëri-tjetrin në të gjithë territorin që ai kishte sunduar.
