Mëngjesin e 17 majit me vendim të Këshillit Bashkiak të Tiranës, u shemb godina e Teatrit Kombëtar, vendim ky i pasur me dy protesta të njëpashnjëshme, të cilat është përdorur edhe dhuna policore ndaj qytetarëve.
Opozita ka mbështetur protestat dhe ka thënë se tashmë do të përkrah çdo tubim të qytetarëve, pasi sipas tyre është kaluar vija e kuqe, teksa pritet që protesta e radhës të zhvillohet nesër në orën 17:30.
Pas shembjes, kryebashkiaku Erion Veliaj kërkoi bashkëpunim me artistët, ndërsa kryeministri Edi Rama premton se godina e re do të jetë moderne dhe do plotësojë të gjithë kërkesat e aktorëve.
Sakaq, nuk kanë munguar edhe reagimet nga ndërkombëtarët.
BE iu bëri thirrje palëve të tregojnë kufizim dhe të shmangin përshkallëzimin e situatës, ndërsa amabasada britanike në Tiranë tha se dhuna minon demokracinë, edhe ambasadori gjerman është i të njëjtit mendim.
Mirëpo, ajo që ka tërhequr vëmendjen e mediave dhe jo vetëm, është fakti se Ambasada Amerikane ende nuk ka reaguar.
Ish-ministri i Drejtësisë Ylli Manjani, ka shpërthyer ndaj mediave, të cilat sipas tij i japin ambasadës amerikane më shumë vëmendje seç meriton.
Përmes një shënimi në facebook, Manjani thotë se në thelb nuk i intereson njeriu se çfarë thotë ambasada. Sipas ish-ministrit, vendi është larguar nga tryeza e Europës, dhe duhet të bëjë çmos të afrohet me të.
Postimi i plotë i Manjanit
Sinqerisht nuk e kuptoj këtë super vemendjen mediatike se “çfarë po thotë ambasada amerikane”?!
Duam të negociojmë me Europën dhe presim ça do thotë Amerika?! Në cilën bythë rri kjo llogjikë kjo?!BE po na thotë troç, çdo ditë e më qartë që jemi larg nga tryeza me ta. Këto ditë madje jemi larguar edhe më shumë.Kujt i plasi mor aman se ç’thotë Ambasada Amerikane! Të thotë more ç’të dojë!Vendi duhet bërë gati për tu ulur në tryezë me Europën. Ky është objektivi.Për ta arritur këtë objektiv nuk do marrim leksione nga ambasada e një vendi jo Europian. Aq më tepër kur kësaj ambasade druri i qeverisë ndaj popullit të vet i duket shëndet! Apo kur sundimi i një njeriu i duket Rule of Laë!!!! ??
Është kaq e thjeshtë.
