Policia Rrugore e Tiranës vijon të jetë e pamëshirshme ndaj drejtuesve të automjeteve, sidomos atyre që tejkalojnë normat e shpejtësisë.
Rrugorët kanë evidentuar një rast të rëndë të një shoferi të papërgjegjshëm në Tiranë, ditën e shtunë.
Policia tha se, “me një shpejtësi të frikshme, 21-vjeçari nga Tirana qarkullonte me 197 km/h mbrëmjen e së shtunës në aksin Sauk-TEG, në kushte të lagështirës në rrugë, trafikut ende me fluks të lartë”.
Sipas policisë, 21-vjeçari nuk kishte mbushur ende as 7 muaj nga data e pajisjes me patentë, kur rrezikoi seriozisht jo vetëm jetën e tij por edhe të përdoruesve të tjerë të rrugës.
Mbrëmjen e së shtunës, u arrestuan edhe 4 shoferë të dehur dhe 3 të tjerë pa patentë dhe u pezulluan 22 patenta, përgjatë 5 orëve kontroll me radar e dragera.
Situata më e rëndë është paraqitur në aksin rrugor Sauk-TEG, ku janë evidentuar 10 raste të shpejtësisë mbi normat e lejuara, shpejtësi që varionin 155 km/h deri 197 km/h.
/GazetaReforma.com/
