Kadri Veseli, Kryetari i Kuvendit të Kosovës, gjatë një intervistë për ‘telegrafi.com’ tha se taksa e vendosur për produktet nga Serbia dhe Bosnja ka qënë vendim i një shteti sovran dhe të pavarur si Kosova.
Ai tregoi se çfarë i kishte thënë Ramush Haradinaj, rreth vendimit për rritjen e taksës 100%.
Veseli theksoi se paqe dhe normalizim të marrëdhënieve është ajo çfarë duan me Serbinë. Ai ka theksuar se kanë qenë të vetëdijshëm që do të ketë reagime dhe përfshirje pas këtij vendimi.
“Kur ka lindur ideja e taksës, fjalën e parë që i kam thënë kryeministrit ka qenë a mund ta mbajmë a ke plan, më ka siguruar që ka plan dhe e mban, e kam përkrahur jo për 30% por për 100% dhe ky është shtet i pavarur dhe sovran. Serbia duhet ta respektojë Kosovën, ashtu siç ne e respektojmë Serbinë. Serbia po shpreh urrejtje ndaj neve e jo respekt, e në këtë rast ne asgjë s’kemi bërë më shumë përpos një vendimi shtetëror, i cili nuk është i përjetshëm por as i përkohshëm si mendon dikush si punën e Nastradinit me lëviz, duhet të ketë reflektim nga ana e Serbisë. Jemi shtet i pavarur dhe sovran dhe nuk bëjmë asgjë për inat. Serbia duhet ta ndalë lojën e agresiviteti ndaj nesh, përndryshe do ta dëgjoj çdo ditë shtetin e Kosovës”, tha Veseli.
Burimi: balkanweb
