Talat Xhaferi do të jetë kryeministri i parë shqiptar në Maqedoninë e Veriut, ai ka marrë sot detyrën e dorëzuar nga paraardhësi i tij, Dimitar Kovaçevski.
Xhaferi do të jetë në krye të një qeverie teknike, me mandat 100 ditor, deri sa të vijnë zgjedhjet parlamentare.
Qeveria e re me në krye Talat Xhaferinu votua dje në Kuvendin e Maqedonisë së Veriut me 65 vota pro, 3 kundër dhe asnjë abstenim.
Teksa mori postin e kryeministrit, Xhaferi në fjalën e tij theksoi ka si prioritet gjatë këtij mandati, zbatimin e zgjedhjeve presidenciale dhe parlamentare të ndershme dhe demokratike, sundimin i ligjit dhe respektimi i Kushtetutës, si dhe promovimin e marrëdhënieve strategjike me BE-në, SHBA-të dhe NATO-n.
“Me premtimin se sëpaku një herë në muaj do shihemi rregullisht. Sapo përfunduam takimin kokë më kokë, me Kovacevskin, u pajtuam për cështjen primare që do jetë në fokus të qeverisë. Shpreh kënaqësinë për detyrën që mora përsipër. Duke qenë se jemi në koalicion qeveritar, natyrisht edhe qeveria që do udhëheq detyrohet të zbatojë politikat në këtë program. Detyra primare është organizimi i zgjedhjeve të rregullta parlamentare dhe presidenciale. Do të zbatojmë të gjithë parakushtet ligjore për zbatimin e vullnetit të qartë të qytetarëve, për zgjedhje të lira dhe të ndershme. Aleanca me SHBA, BE dhe NATO, mbetet prioritet i qeverisë së RMV, lëkundja mund të shfrytëzohet nga fuqi të treta. Ruajtja e kësaj aleance nuk ka alternativë tjetër. Integrimi si udhërrëfyes në platformën qeveritare, janë lart në axhendën e qeverisë. Pa marrë parasysh se sa do zgjasë kjo qeverisë, nuk do të mungojë funksionimi institucional në shërbim të qytetarëve. Mund të jemi të ndryshëm në këtë qeveri, por jemi aty falë legjitimitetit tuaj”, tha ai.
Xhaferi do të udhëheqë qeverinë teknike deri në zgjedhjet e jashtëzakonshme më 8 maj.
