Kryetarja e LSI-së, Monika Kryemadhi ka shkuar në protestën e sotme me një bluzë ku kishte stampuar të gjithë aktorët e mëdhenj që kanë luajtur në Teatrin Kombëtar, që u shemb ditën e djeshme.
Në bluzën e saj ishin: Naim Frashërit; Sandër Prosit; Sulejman Pitarkës; Kadri Roshit; Marie Logorecit; Drita Pelingut; Violeta Manushit; Liza Vorfit; Prokop Mimës; Bujar Lakos; Agim Qirjaqit dhe Marika Kallamatës.
Ky detaj nuk i ka shpëtuar kryebashkiakut të Tiranës, Erion Veliaj i cili ka reaguar me anë të një videoje të shpërndarë në rrjetet sociale.
Në këtë video shfaqen aktorë si: Kadri Roshi, Violeta Mnaushi, Margarita Xhepa, Robert Ndrenika, etj., që shprehin dëshirën e tyre për një teatër të ri.
“Dakord që s’ke qenë ndonjëherë në teatër, s’është mëkat. Por si minimum, para se t’i stamposh në bluzën e protestës së tallashit Kadri Roshin e Violeta Manushin, mos duhet të dëgjosh çfarë kanë thënë për idenë e teatrit të ri? S’do qe keq të dëgjonim më shumë histori, se histeri!”
Kadri Roshi: Qesh se po e shoh që do të realizohet ëndrra më e bukur e jetës sime.
Drita Pelingu: Sot për mua është një ditë e shënuar, është dita e kthimit në realitet.
Violeta Manushi: Përgjegjëi e madhë për artistin
Margarita Xhepa: Është ëndërr e gjithë brezit tim. Kam kënaqësinë që do ta gëzojë brezi im, por mbase dhe unë.
