Prokuroria e Posaçme (SPAK) ka përfunduar hetimet për kryebashkiakun e Tropojës, Rexhë Byberi, i cili akuzohet për shpërdorim detyre në bashkëpunim. Po ashtu, hetimet janë mbyllur edhe për vartësin e tij, Abedin Kërnaja.
Sipas SPAK, Byberi dhe nënkryetari i Bashkisë Tropojë kanë miratuar një projekt për ndërtimin e rrugës “Stacioni i Anijes Palç – Guri i Lules”, në kundërshtim me ligjin. Projekti përfshinte një rrugë 3.2 km të gjatë, e cila për 80% kalon në një rrugë këmbësore ekzistuese.
Hetimet zbuluan se për realizimin e këtyre punimeve, Bashkia Tropojë nuk ka ndjekur procedurat ligjore të kërkuara. Sipas VKM-së 408, datë 13.05.2015, duhej të ishte aplikuar për leje ndërtimi në sistemin elektronik e-leje, si dhe Bashkia duhej të bashkëvepronte me institucione të tjera si Agjencia Kombëtare e Mjedisit dhe Ministrinë e Linjës për të shqyrtuar ndikimin mjedisor dhe pasojat e ndërtimit të rrugës.
