Kriza politike dhe protestat të cilave tashmë iu është bërë jehonë edhe jashtë territorit shqiptar kanë pasur ndikim edhe në stepjen e investitorëve të huaj dhe këto fjalë na vijnë nga Ministrja e Ekonomisë dhe Financave, Anila Denaj.
Denaj e ka pranuar një fakt të tilla nga studio e “Dritare me Rudinën”, ku gjithashtu është shprehur se edhe turistët e huaj kanë anuluar rezervimet që kishin bërë gjatë muajit shkurt në bregdetin shqiptar.
“Rritja e ekonomike është një proces zinxhir dhe kur veprojmë duhet të kemi parasysh që çfarë jemi duke bërë. Numri i turistëve është rritur vitin e kaluar. Nëse flasim për muajin shkurt, i cili është muaji që bëhen rezervime nga turistet dhe një ditë të shtune shfaqen skena që thuhet në mediat e huaja se nuk ka siguri, atëherë kjo ndikon në anulimin e këtyre rezervimeve. Ka pasur anulime të këtyre rezervimeve.
Samiti i Diasporës tregoi se edhe bashkatdhetarët tanë kanë dëshirë të investojnë në Shqipëri. Investitorët e huaj marrin kohën e duhur. Niset me njohjen e potencialeve, lehtësitë fiskale. Gjithashtu ata shohin infrastrukturën dhe proceset në këtë drejtim janë duke avancuar. Investitorët shohin se si është klima e biznesit”- tha ministrja.
